amalinks wokungena

Breaking News

Abahlali bakoBulawayo Bakhangelele Ukukhuphuka Kwemithelo Yekhansili Kuyonale Inyanga Kulandela Ukuvunyelwa kweBudget ka2021 leka2020


Bulawayo City Council.

Uhulumende usevumele ikhansili ukuthi isebenzise i budget ka 2021 ngesikhathi eyokuxaxela eka 2020, eye supplentary budget layo isingalandelwa.

Izakhamizi zakoBulawayo zithi kuzakuba lukhuni ukwenelisa ukubhadala umthelo wekhansili yalelidolobho okhuphuka kuyonale inyanga kaZimbandlela kulandela imvumo evela kuhulumende eyokuthi uluhlu lokusetshenziswa kwemali olwe budget eka 2021 olwamabhiliyoni alitshumi lasithupha; 16 billion luqalise ukusebenza. Ikhansili ibikwa igcizelele loludaba.

Lokhu kwenzakala uhulumende esanda ukupha njalo idolobho leli imvumo yokuthi lisebenzise uluhlu lwe supplementary budget ekupheleni komnyaka odluleyo olokuxaxela eka 2020, ngesilinganiso sokufika phose amakhulu amane ekhulwini 372 percent, okutsho ukuthi ukukhuphuka komthelo lo kusezingeni eliphezulu.

Uhulumende uthi usenike imvumo amakhansili amanengi elizweni ukuthi alandele ama budget lawa, ngesikhathi inengi likhala ngokubhidlika komnotho welizwe njalo lizivalele ezindlini ngeziqondiso zikahulumende ezokwenqabela ukumemetheka kweCOVID 19.

UMnu. Thembelani Dube, isiphathamandla senhlanganiso elwela amalungelo abahlali bedolobho lakoBulawayo eyeBulawayo Progressive Residents Association uchasisa inani lemali elingabhadalwa yizakhamizi ngenyanga.

please wait

No media source currently available

0:00 0:03:16 0:00


Facebook Forum

XS
SM
MD
LG