amalinks wokungena

Breaking News

Abakhokheli Bamabandla Abusayo Bazaya eDilini Lokuthengisa Amadayimana


Abakhokheli bamabandla abumba uhulumende womanyano bakhangelelwe ukuba sembuthanweni ngoLwesithathu wokuthakazelela ukuvunyelwa kwe Zimbabwe ukuthi iqalise ukuthengisa amadayimana eMarange.

Umsekeli kaMongameli, uMnu. John Nkomo, ukhangelelwe ukwethula umbiko kaMongameli Mugabe yena ose China okwamanje.

Inhloko kahulumende uMnu. Morgan Tsvangirai lomsekeli wakhe, uMnu. Arthur Mutambara bakhangelelwe ukuthi babe khona emkhosini lo kanye labaphathintambo bakahulumende labathenga amadayimana.

Abaqondisi be Zimbabwe Mining Development Corporation (ZMDC) labaqondisi bamankampani emba amadayimana eMarange abadla ngoluphakathi bazabe bemele ukuzwa ukuthi uhlelo lokuthengisa amadayimana luzaqhutshwa njani ngolweSithathu le nyanga ezilandelayo.

Umphathintambo wogatsha lukahulumende olubona ngezemigodi, uMnu. Obert Mpofu, utshele uGibbs Dube we Studio 7 ukuthi kukhangelelwe ukuthi inkampani kahulumende ye ZMDC ibambe okwesikhatshana inzuzo ezatholakala ekuthengisweni kwamadayimana la.

XS
SM
MD
LG