Associated Press
Gibbs Dube
Abokholo lweSiZayoni abangamatshumi amane lanhlanu – 45 batshabalele ngoLwesine engozini yomgwaqo esabelweni seLimpopo.
Kuphephe umntwana oleminyaka yokuzalwa eyisitshiyangalombili – 8 engozini le, obenikwa umuthi. Ulimele kakhulu umntwana lo.
Abezindaba abeAssociated Press babika ukuba babhubhe kulandela ukubhewuka kwebhasi ewele ebholohweni leMmamatlakala. Bonke bebesiye emthandazweni wePhasika.
Ibhasi le ibhewuke ebholohweni elitshonayo yahle yalumatha umlilo owesabekayo. Abanengi batshe engozini le okokuthi kuzakuba nzima ukuba bona ukuthi ngobani, lokhu kubikwa ngabezindaba abeAP.
Abezindaba laba babika njalo ukuthi iziphathamandla zesabelo seLimpopo zithi zizamile ukuhlenga abawelwe yingozi le kodwa kwehlula.
Okwamanje amapholisa labanye abaphethe umthetho sebehlolisisa udaba lolu. Akwaziwa ukuba ibhasi le ibhewuke njani njalo lokuthi abantu bonke ababhubhe engozini le yizizalwane zakwele South Africa, Botswana kumbe abadabuka kwamanye amazwe.
Uhulumende wakwele South Africa uvame ukukhuthaza abantu ukuba belimuke ingozi yezimota emigwaqweni. Kulabantu abafika amakhulu amabili – 70 ababhubha ngesikhathi sekhefu lePhasika ngomnyaka ophelileyo elizweni leli.
Ibandla leZionist Church lilesigodlwo eMoria njalo abokholo lolu abanengi bathi gwaqa endaweni le ngesikhathi sekhefu lePhasika.
Forum