Abakubutho le Zimbabwe National Army lalabo asebalitshiyayo babikwa sebefuna izikhundla zokumela ibandla le ZANU PF endaweni ezitshiyeneyo zelizwe edale lephalamende kukhetho oluzayo.
Lababantu babikwa sebe khankasa emaphandleni ikakhulu eMasvingo le Manicaland lapho abafuna ukuthi kukhitshwe amalunga asephalamende okwamanje.
Banengi asebekhethiwe kulezondawo ukuthi bamele izigaba ezitshiyeneyo ngesikhathi sokhetho.
Izakhamizi sezithithibele kulezondawo zisithi abebutho laba batshengisa ukuthi bathanda izikhundla njalo kabasoze bavume ukwekela ezombusazwe bengadliwa kukhetho ngamanye amabandla.
Ingcwethi kwezombusazwe uMnu George Mkhwanazi uthi umthetho uyavumela umuntu wonke labakubutho ukuthi bancintise ekhethweni eZimbabwe.