amalinks wokungena

Breaking News

Abakwamanye Amazwe Bamanyana LabeZimbabwe Embuthanweni Womthandazo Wokukhumbula uMugabe


Ibhokisi elilesidumbu sowayengumongameli Robert Mugabe eNational Sports Stadium
Ibhokisi elilesidumbu sowayengumongameli Robert Mugabe eNational Sports Stadium

Abakokheli bakwamanye amazwe labahlonitshwa bamanyene lomunye wabo uMongameli Emmerson Mnangagwa, lozulu weZimbabwe enkundleni eye National Sports Stadium ukuvalelisana lomuyi owayengumongameli weZimbabwe uMnu Robert Mugabe, obhubhele kweleSingapore ngoLwesihlanu lweviki edluleyo.

Umongameli Uhuru Kenyatta wele Kenya esikhumbuzweni sikaMnu. Robert Mugabe in Harare
Umongameli Uhuru Kenyatta wele Kenya esikhumbuzweni sikaMnu. Robert Mugabe in Harare

Esethula umbiko wakhe emkhosini wangoMgqibelo, uMongameli Emmerson Mnangagwa ubonge kakhulu amazwe awenhlanganiso yeSADC ngokuzahlanganela labo esililweni sowayengumongameli welizwe. Wathembisa abemuli yakoMugabe ukuba yena lohulumende wakhe abasoke babalahla bezobanakekela. Wahle wathatha lelo thuba lokubonga njalo inhlangnaiso yeSADC ngenyathelo elilithetheyo lokukhetha umhla ka 25 Mfumfu njengosuku lokukhankasela ukususwa kwezijeziso zomnotho ezabekelwa eleZimbabwe, ngamazwe angentshonalanga agoqela eleMelika lakumanyano we European Union.

Kodwa isikhulumeli semuli yako Mugabe umnumzana Walter Chidhakwa uthi umuyi ubhubhe ebuhlungu ngokunye okwakungamjabulisi okwenzakala elizweni.

Ibhokisi elilesidumbu sowayengumongameli Robert Mugabe, lembeswe ngeflag yeZimbabwe lingena eNational Sports Stadium
Ibhokisi elilesidumbu sowayengumongameli Robert Mugabe, lembeswe ngeflag yeZimbabwe lingena eNational Sports Stadium

Isidumbu somufi sibikwa sizanikezwa abemuli ngemva komkhosi wanamhlanje abaveze ukuba sizosiwa koZvimba lapho uMugabe adabuka khona andubana azobekwa endaweni ebekwa amaqhawe esizwe awe National Heroes Acre ngemva kokwakhiwa kwethuna lomhlobo waphezulu iMeusolium okungumsebenzi ongathatha inyanga yonke.

Ingcwethi kwezombusazwe umnumzana Ricahard Mahomva uthi kuhle ukuthi akhelwe indlu yakhe yokuphumula ehlukene labanye e Heroes Acre.

Enye njalo ingcwethi umnumzana Mlindelwa Mancitshana upha umbono wakhe kwezokungcwatshwa kukamuyi u Mugabe.

Umonameli Cyril Ramaphosa weleSouth Africa esethula umbiko wakhe esikhumbuzweni sikaMnu Robert Mugabe eNational Sports Stadium eHarare
Umonameli Cyril Ramaphosa weleSouth Africa esethula umbiko wakhe esikhumbuzweni sikaMnu Robert Mugabe eNational Sports Stadium eHarare

Kusenjalo uzulu obekulomkhosi uveze ukungajabuleli uMongameli Cyril Ramaphosa wakwele South Africa wabanga umsindo emhoza okwenze engazwakali kuhle lapho esethula umbiko wakhe wenduduzo, kwamfuqa ukuba axolise phezu kwezehlakalo zodlakela oluqondiswe kuzizalwane zakwamanye amazwe awezwekazi le Africa eziselizweni lakhe.

Unobhala wogatsha lwezokwethulwa kwemibiko umnumzana Nick Mangwana ubonge inyathelo elithethwe ngu Ramaposa lokuxolisa kuzulu weZimbabwe le Africa jikelele lanxa ethi ubengakulindele.

Ibhokisi elilesidumbu sowayengumongameli Robert Mugabe embuthanenweni weNational Sports Stadium
Ibhokisi elilesidumbu sowayengumongameli Robert Mugabe embuthanenweni weNational Sports Stadium

Eyinye yenkokheli eze emkhosini wanamhlanje wokuvalelisana loMugabe abavele kwamanye amazwe bagoqela uMnu. Kenneth Kaunda, owake waba ngumongameli weleZambia, owake wakhokhela eleNamibia, uMnu. Sam Nujoma, owake wakhokhela eleBotswana uMnu. Festus Mogae, owake wakhokela eleSouth Africa, uMnu. Jacob Zuma, owake wakhokhela eleGhana, uMnu. Jerry Rawlings, uMongameli Uhuru Kenyatta weleKenya, oweZambia okwamanje uMongameli Edgar Lungu labanye.

please wait

No media source currently available

0:00 0:04:27 0:00
XS
SM
MD
LG