amalinks wokungena

Breaking News

Abalandeli beZanu PF Bathumba Ipulazi Lezinyamazana Zendle eBeitbridge


Abantu abacatshangelwa ukuthi ngabalandeli be Zanu PF sebethumbe ipulazi lika Mnu. Ian Ferguson iDenlynian Game Ranch elemhlambi emangalisayo yezinyamazana zendle eBeitbridge, ngezansi yemaNdebeleni.

U Ferguson utshele iStudio 7 ukuthi abantu laba abathethe ipulazi lakhe badla amahabula njengoba sebexotshe izisebenzi zonke njalo bathi umuntu ozalokotha aphikise izinqumo zabo uzazibona esekogoqwa nyawo.

U Ferguson uphinde wathi kukhanya lababantu besekelwa ngu Nkosikazi Angeline Masuku usibalukhulu we Matabeleland South lo Mnu. Kembo Mohadi omunye wabaphathintambo bogatsha olubona ngezaphakathi kwelizwe oluyilo oluqondisa umsebenzi wamapholisa.

Uthe usedinge uncedo esigodlweni sabamaleli be South Africa eZimbabwe njengoba ipulazi leli lingaphansi kwempahla evikelwe yisivumelwano esiphakathi kweZimbabwe leSouth Africa.

Umnu. Alex Goosen owayengomunye wabalimi bamaphulazi amakhulu, oselwela amalungelo oluntu utshele uGibbs Dube we Studio 7 ukuthi kulihlazo ukuthi abantu be Zanu PF baqhubekele phambili bethathela abamhlophe amapulazi.

‚Äč
XS
SM
MD
LG