Inhlanganiso yababalisi eye Progressive Teachers Union of Zimbabwe (PTUZ) ithi ababalisi bayahlukuluzwa ngabalandeli bebandla le ZANU PF nxa befundisa ngembhali yelizwe ikakhulu ezabelweni zeMashonaland leNkabazwe.
Umsekeli wabaqondisi bePTUZ uMnu. Vusumuzi Mahlangu uthi abalandeli bebandla leli labalwa impi yenkululeko bakhathaza ababalisi abesabayo okwamanje ukufundisa imbhali yempi yenkululeko kanye lokubunjwa kwamabandla ezombusazwe eZimbabwe.
UMahlangu uthi iZANU PF isanda kwenza imihlangano ezabelweni ezitshiyeneyo zelizwe lababalisi lapho ekade ibatshela ukuthi akumelanga bafundise okungafunwa libandla leli.
IStudio 7 kayenelisanga ukukhuluma ngaloludaba labebandla le ZANU PF kanye lomphathintambo wezemfundo uMnu. David Coltart.
UMahlangu uthi okwenziwa libandla le ZANU PF yikuhlukuluza hathi ababalisi kuphela kodwa labantwana besikolo abangasoze bazi imbhali egcweleyo yelizwe labo.
