amalinks wokungena

Breaking News

Abalwa Impi Yenkululeko Benza Isinqumo Sokuvimba Ukuvalwa Kwamankampani KoBulawayo


ZIM89JS7,13 Colonnaded City Hall building with clock tower, lush lawns and trees; business people walk past. Bulawayo, Zimbabwe. Copyright Tropix (J. Schmid)
ZIM89JS7,13 Colonnaded City Hall building with clock tower, lush lawns and trees; business people walk past. Bulawayo, Zimbabwe. Copyright Tropix (J. Schmid)

Abalwa impi yenkululeko abasekela uhlangothi lwe ZANU PFolukhokhelwa ngowake wakhokhela ibutho uGeneral Solomon Mujuru bathi sebezaqalisa ukuvimba ukuthi kungabi lenkampani ezavalwa koBulawayo iyevula ifekithali efanayo eHarare.

Lokhu kulandela imbiko ethi amankampani anjenge Hunyani Printopak, National Blankets, National Foods kanye le Cotton Printers sevala amafekithali koBulawayo esiya vula amatsha eHarare.

Abalwa impi yenkululeko laba bathi wonke amankampani avalayo kuzamele athathwe ngabensundu kuhlelo lwe Indigenization.

Bathi uzulu ulakho ukuthatha amankampani la loba engelamali yokubhadalela amashares njengalokho ukufunwa yilolu hlelo.

Abalwa impi yenkululeko abakuhlangothi olunye njalo lwe Zanu PF abakhokhelwa nguMnu. Jabulani Sibanda bathi sebeqalisile ukuhlolisisa ukuvalwa kwamankampani koBulawayo.

Bathi bazathatha amanyathela azakhalisa abaqondisi bamafekithali kunsukwana ezilandelayo.

Kodwa-ke, umgcinisihlalo wenhlanganiso ye Liberators Peace Initiative Trust uMnu. Max Mnkandla iStudio 7 ukuthi abalwa impi yenkululeko kumele betshiyane lamankampani avalwa koBulawayo ikakhulu nxa kubangelwa yikuswelakala kwemali.

‚Äč
XS
SM
MD
LG