amalinks wokungena

Breaking News

Abalwela Ilungelo Loluntu Bathi Ukusilela Kwamanzi Lemitshova Kungabangela Ukumemetheka kweCOVID 19 koBulawayo


Lokhu kuza ngemva kokuba igcikwane leli umuntu oyedwa njalo lahlasela abangamatshumi amane lanye ngoLwesine kuphela.

Umphathintambo wogatsha lwezempilakahle uMnu. Constantino Chiwenga ngoLwesihlanu utshayele ihlombe abasebenza kugatsha lwezempilakahle ngokulwisana lomkhuhlane weCOVID 19 njalo wathembisa ukuthi uhulumende uzabancedisa ukuthola impahla zokuzivikela kuleligcikwane kanye lokuthi befinyelele imota zokuya emsebenzini.

Ubikwa eyethule amazwi la ebhoda-bhosa esibhedlela seChimanimani.

Lokhu kwenzakala ugatsha lukahulumende olubona ngezempilakahle lusithi abantu asebahlaselwa ligcikwane leCoronavirus selokhe laqhamukayo ngomnyaka odluleyo sebefika phose inkulungwane ezingamatshumi amane 38 398 njalo labulala abedlula inkulungwane lengxenye yalo 1 575.

Kuza ngemva kokuba igcikwane leli umuntu oyedwa njalo lahlasela abangamatshumi amane lanye ngoLwesine kuphela.

Asebehlatshwe ijekiseni yokwenqabela leligcikwane sebefika phose inkulungwane ezingamakhulu amahlanu 478 174 ngesikhathi abantu belokhe besamukela umjovo wakuqala lowesibili walumuthi.

Ukuze sicubungule ukuthi abantu bayalandela yini iziqondiso zokwenqabela ukumemetheka kwegcikwane leCOVID 19, sixoxa loMnu. Khumbulani Maphosa, umgcinisihlalo wenhlanganiso elwela ilungelo loluntu eyeBulawayo Water Action Group, esiqale ngokumbuza ukuthi ukusilela kwezimota kulelidolobho kungabe kulomthelela na ekusabalaliseni leligcikwane.

please wait

No media source currently available

0:00 0:02:06 0:00


Facebook Forum

XS
SM
MD
LG