amalinks wokungena

Breaking News

Abameli Bezigodlo Zamazwe Aphetsheya eZimbabwe Basola Uhulumende Ngokwephula Amalungelo Oluntu


iFlag yeCanada leUSA

Amazwe la abalisa eleCanda, Germany, Netherlands, Norway, Poland United Kingdom, kanye leUnited States of America, wona akhuthaze uhulumende ukuthi aqede inkohlakalo, njalo akhulumisane labantu ukuze azwe izikhalazo zabo ukwenzela ukuthi kube lokuthula lenhlalakahle elizweni.

Abameli bezigodlo zamanzwe atshiyeneyo awaphetsheya eZimbabwe, bethule umbiko ngoLwesihlanu besola abathi yikwephulwa kwelungelo loluntu nguhulumende kamongameli Emmerson Mnangagwa, njalo bamkhuthaza ukuthi alethe inguquko ayithembisayo ethatha intambo zombuso kuminyaka embili edluleyo.

Amazwe la abalisa eleCanda, Germany, Netherlands, Norway, Poland United Kingdom, kanye leUnited States of America, wona athi akufanelanga uhulumende esebenzise ukumemetheka kwegcikwane leCOVID 19 ukwenqabala abantu ukuthi betshengisele, njalo kufanele abasize ngokokuziphilisa ngalesi isikhathi.

Amazwe la aphinde akhuthaza uhulumende ukuthi aqede inkohlakalo, njalo akhulumisane labantu ukuze azwe izikhalazo zabo ukwenzela ukuthi kube lokuthula lenhlalakahle elizweni.

Kodwa umfundisi Anglistone Sibanda, ingcwethi ecubungula ezombusazwe uthi amazwe la lawo ayephula ilungelo loluntu njalo kufanele isisombululo kuloludaba sivelele ebantwini beZimbabwe.

please wait

No media source currently available

0:00 0:02:57 0:00

Umongameli Emmerson Mnangagwa ngoLwesithathu wethule umbiko esithi uhulumende wakhe uselethe inguquko kwezomnotho welizwe njalo ingxaki ezikhona zizalungiswa ukwenzela ukuthi wonke umuntu abe lenhlalakahle.

Kodwa uhulumende uhlezi ephika ukuthi kulokwephulwa kwelungelo loluntu, esithi ngabantu abasebenza lamazwe aphetsheya abakhuluma okungcolisa ilizwe, ngoba befuna ukumsusa embusweni.


Facebook Forum

XS
SM
MD
LG