amalinks wokungena

Breaking News

Abangabiselwanga kuCabinet Banikwa Izikhundla kuZanu PF


UMnu. Obert Mpofu
UMnu. Obert Mpofu

Ngemva kwensukwana uMongameli Emmerson Mnangagwa efungise amalunga edale lakhe labampathintambo eleCabinet, usenikeze iziphathamandla zebandla lakhe ele Zanu PF izikhundla zaphezulu ebandleni zokukhokhela ingatsha ezehlukeneyo.

Uzulu uthi ukunikezwa kweziphathamandla zeZANU PF izikhundla zaphezulu zokukhokhela ingatsha ezehlukeneyo ebandleni leli, kuveza ukwehliswa kwazo ezihlalweni zokuba ngabampathintambo kodwa abanye bayasola bathi lokhu kungabe kuyindlela yokuhlolisisa ukusebenza kwalabo abaphiwe izikhundla, njalo kuyibo abazaqondisa ukuqhutshwa kwenhlelo kuhulumende.

Umnumzana Nkosiyabo Dube isakhamuzi sakoBulawayo uthi kungenzeka ukuthi laba abadala asebephiwe imisebenzi yebandla kube yibo abazaqondisa ukusebenza kwabaphathintambo bengatsha zikahulumende.

"Okwamanje kusasemasinyane ukuthi sitsho ukuthi laba bakhutshiwe okweqiniso. Sizabona ngokusebenza ukuthi abasoke bethathe amacebo kulaba okuthiwa sebemiswe umsebenzi kahulumende.

Umnumzana Morris Maseko osebenzelana lenhlanganiso yezamalungelo oluntu eye Zimrights uthi lababantu kusobala ukuthi bebevele bengela ncedo.

"Iparty ngokwayo kulabantu ebavalele phandle kodwa okumele basebenze, so these people should be accommodated, kodwas loku akusincedi ngalutho lokhu kusitshengisa njalo ukuthi kulamanye amaVacancies ayefakwa nje engasincedi ngalutho kodwa kuyiTax payers money.

Umnumzana Desire Moyo imbongi njalo esebenza labontanga ngaphansi kwenhlanganiso ye Victory Siyanqoba ufanise laba bantu lenkabi ezindala ezingasasebenziyo osokumele ziyelinda isibaya.

"Lokhu singathi yikukhitshwa kwenkabi ziyegcina isibaya. It’s good for us as Zimbabweans ukuthi imnkantsho emdala ibingasasincedi njengesizwe.

UNkosikazi Phathi Nyathi uthi abanengi bavuka ngolaka ngemva kokuba uMongameli Emmerson Mnangagwa ethathele owayenguMongameli Robert Mugabe ilizwe ngoLwezi nyakenye. Ethi uMnangagwa utshengise ukuthi ngumongameli olalela laba ababusayo ngaleli nyathelo ngoba ebaqume impiko kodwa wababeka lapho abangasebenzela khona ebandleni.

"Umnangagwa into engimnanzelela ngayo yikuthi ngumuntui olalela abantu. Ngiyakhumbula ngemva kukaNovember abantu bakhala kakhulu ukuthi ubabisele. I’m glad ngoba ngumuntu olalela abantwabakhe ukuthi abathini, khathesi ubakhiphile wabapha izikhundla eziphansi. Ubabeke ezihlalweni eziphansi ukuthi basebenzele ngaphansi ukuthi basebenza kodwa bengabi lamandla.

U Mnangagwa ugcobe amalunga amatsha ukuba ngabaphathintambo ngemva kokhetho lukaNtulikazi okube yinto elethe intokozo ikakhulu kubontanga ngoba engazange afake abantu abajwayelekileyo.

Abaphiwe umsebenzi ebandleni abakade bekuhulumende bagoqela oMnu. Obert Mpofu, Lewis Mathuthu, Paul Mangwana kanye lowaye kubutho uEngelbert Rugeje. Inengi likazulu elixoxisana enkundleni zokuzilibazisa lokukhulumisana ezebulenjini ezifana labo Twitter le Facebook lithi laba bazasebenza bengabanqondisi bengatsha zikahulumende ikantike abanye besithi sebephelelwe ngumpako lezi yizikhundla eziphansi kulalezo abakade belazo njengabampathintambo.

IZANU PF ibisilesikhathi ifaka laba ezikhundleni loba nje inengi labantu belivele lisola ukusebenza kwabo.

please wait

No media source currently available

0:00 0:05:26 0:00
XS
SM
MD
LG