Abaphila lobugoga ikakhulu abangaboniyo bakhala ngokusilela kosekelo lokubaphathisa ezifundweni zabo lamabhuku abangenelisa ukuwabala owohlobo lweBraille ikakhulu ezikolo lasema libary.
Lokhu kuphume embuthanweni owenzelwe eHarare City Library wokunanza ilanga lomsebenzi wokukhuthaza ukuthuthukiswa kwemfundo emhlabeni jikelele ele International Literacy Day.
Izifundi ezinengi zikhala ngokuthi ukusilela kwamabhuku ikakhulu awohlobo lwe Braille kuphazamisa izifundo zazo njalo zicina zicela abanye abalozwelo ukuthi bababalele amabhuku ezifundo abazenzayo zama textbook.
U Darlington Nkomazana oquba izifundo zemithetho ekholitshini eleUniversity ye Zimbabwe uthi balodubo njengezifundi ezingaboniyo sikhuluma kanje.
“I main machine yethu okuthiwa yi embosser yafa .isikolo lokhe sizama ukuthi sikulungisise then ama braille paper asilawo ngoba siyabe sifuna ama book e braille njalo ama book onawo kakho .Okukhona ngama soft copy but amanye ama book kuma soft copy ayabe engekho”
UNkosikazi Ratidzo Mutyairi osebenzela I Bulawayo Public Library ngomunye wabaphila lobugoga bokungaboni uthi lolu ludubo sibili hatshi e Harare kuphela.
“Lathi sihlangana lalolo dubo lolu ukuthi izinto esizifunayo asilazo even I braille paper le equipment asilakho.Umuntu angabuya ezocela I braille book siyabe simcela ukuthi balela khonapha ngoba ukuthi aphume lalo kungenzi njalo inengi lama book ethu onala e braille se outdated okokuthi even I new curriculum asikenelisi ukuthi sibe lama braille books ahambelana le new curriculum .”
Umnumzana Masimba Kuchera laye ongaboniyo utshele lumhlangano ukuthi ele Zimbabwe limele lilandele umthetho we Marrakech Protocol.
“Kulezinto ezimbili ezidingakalayo kumithetho lamanye amazwe. Okwakuqala kumele kwenziwe okuthiwa yi ratification .Kube sokusiba le step eyesibili okuthiwa yi domestication .Imithetho eminengi ekhangela abagogekileyo sesa I ratifaya njengelizwe kodwa asikai domesticati okutsho ukuthi aikabi yimithetho esebenzayo lapha e Zimbabwe .”
Inhlanganiso ezimeleyo eye Dorothy Duncan Braille Library yazise ukuba ilakho ukuphathisa kulezi nhlupho nxa ingatholiswa usekelo lwemali ngoba isike yadinda ama bhuku awe Braille edlula inkuungwane ezintathu-3 200 ezifundo ezeprimary ya dinda lesisekelo sombuso amagwaliba azinkulungwane ezimbili – 2000.
Ele Zimbabwe laloba igama lisekela umthetho owe Marrakech Treaty ngoMbimbitho lonyaka kodwa lokhe ungakabi ngumthetho olandelwa elizweni. I dolobho le Harare elileziphala zokugcinela amabhuku ezama library ezilitshumi, lazise lumhlangano ukuthi lizathatha wonke amanyathelo ukuthi libe lamabhuku lemitshina ehambelana labaphila lokugoga ikakhulu abangaboniyo.
