amalinks wokungena

Breaking News

Abanikazi Bezindlu Bakhuphula Imbhadalo Yezindlu Emadolobheni


Abanikazi bezindlu emadolobheni atshiyeneyo eZimbabwe asekhuphule imbhadalo yezindlu loba nje inhlanganiso ebona ngezokuthengiselana kwezindlu eye Estate Agents Council of Zimbabwe isithi akumelanga yengezelelwe lonyaka.

Imbhadalo yekamelo elilodwa ‘i-one room’ koBulawayo emalokitshini ibikwa isikhuphuke ngamadola alitshumi yafika kumadollar angamatshumi amane.

Emalokitshini ahlala abalemali koBulawayo imbhadalo iqonge isuka kumatshumi ayisikhombisa amadollar yafika kumatshumi ayisitshiyangalombili lanhlanu. Le yimali ekade ibhadalwa yilabo abahlala kwamanye amalokitshi edolobheni le Harare abakhangelelwe ukuthi sebezabhadala imali edlula ikhulu lamadola ngenyanga.

Emizini ehlala abalutshwana eHarare imbhadalo isiqonge yafika kukhulu lamatshumi amahlanu amadollar isuka kumatshumi ayisikhombisa amadollar.

Labo abahlala ezindlini ezisenkabeni zamadolobho la, imbhadalo isiqonge yafika kumakhulu amane amadollar isuka kumakhulu amathathu amadollar.

Kodwa-ke inhlanganiso ye Estate Agents Council of Zimbabwe ithi ukuqonga kwembhadalo yezindlu akuvunyelwanga yinhlanganiso le eyathatha isinqumo sokuthi akumelanga kwenzakale lokhu lonyaka.

Umnu. Mpumelelo Ndlovu umqondisi we Beckton Properties (Pvt) Limited uthi abanikazi bezindlu bafuna imali enengi yokubhadalela izindlu zabo njengoba labo bethwele nzima ngokudinga imali yokuziphilisa.

XS
SM
MD
LG