amalinks wokungena

Breaking News

Abantu Abalemali Sebethenga Impahla Kulukothi Bayigcine Emabhanga - AfDB


Ibhanga le African Development Bank (AfDB) lithi banengi abantu eZimbabwe abalemali asebethenga ngayo izindlu lokunye okutshiyeneyo kulokuthi bayigcine emkambo wemali ongathembekanga.

Embikweni walo wenyanga ka Zibandlela esanda kuwethulwa, ibhanga leli lithi inengi labantu selithenga indawo zokwakha izindlu lamavinkinli emadolobheni ngoba lokhu kulakho ukubalethela inzuzo kwelakusasa.

Lithi okubethusayo njalo yikuthi abasavunyelwa ukuthatha emabhanga inkulungwane ezedlula ezilitshumi zamadollar ngelanga.

Lokhu kungenxa yokungasebenzi kahle kwamabhanga aswela imali evela kumankampani lakuzulu.

Ibhanga le AfDB lithi ukuvimba uzulu ukuthi athathe imali ayigcine emabhanga sokubamba ngamandla abantu ukuthi bathenge impahla etshiyeneyo belethemba lokuthi izabelethela inzuzo engcono kulaleyo egcginwe ebhanga.

Amabhanga eZimbabwe alamabillion amathathu amadollar eyafakwa nyakenye nguzulu lamankampani. Ngomnyaka ka 2010 amabhanga la ayelemali edlula kancane amabillion amabili amadollar.

Umnu. John Mushayavanhu ongumqondisi we Bankers Association of Zimbabwe uthi imbono ye AfDB ingani ayila qiniso elipheleleyo nxa isithi abantu abalemali sebethenga ngayo umhlabathi wokwakha izindlu lokunye okutshiyeneyo kulokuthi bayifake emabhanga.

Umnu. Masimba Kuchera oyingcwethi kwezenotho uthi iAfDB ibone kahle ngokusetshenziswa kwemali kwele Zimbabwe.

XS
SM
MD
LG