amalinks wokungena

Breaking News

Kubhubha Abantu Abanengi Engozini Yomgwaqo eZimbabwe Kulandela Ukungqikilana Kwebhasi Lemota Enkulu Ethwala Ipetulo


FILE: Ibhasi eyetsha yaphela du eGwanda engozini yomgwaqo ngomnyaka ka2018. Kubikwa ukuba etshe eMutare ngoLwesihlanu layo itshe yaphela du. (AP)

Kulabantu abanengi ababhubhe engozini yomgwaqo eManicaland ngoLwesihlanu kulandela ukungqikilana kwebhasi lemota enkulu ethwala ipetulo.

Umsakazo weZimbabwe Broadcasting Corporation (ZBC) ubika ukuba kulabantu abayisikhombisa kuphela abakhitshwe ebhasini le elumathe umlilo ovuthayo yatsha yaphela du. Kubikwa ukuba lemota ebithwele ipetulo itshe okumangalisayo.

IZBC ibika ukuba abantu abanengi bacatshangelwa ukuba babhubhele engozini le.

Ibhasi yeBeta Bus Company kubikwa ukuba ingqikilane lemota le enkulu emangweni oweMatongo engwaqweni osuka eHarare usiya eMutare.

Isikhulumeli samapholisa, uAssistant Commissioner Paul Nyathi, utshele iphephandaba leNewsDay ukuba amapholisa ahlolisisa ingozi le.

Kavezanga ukuba kubhubhe abantu abanengi kanganani engozini le okukhanya kuphele imiphefumulo yabedlula amatshumi amahlanu.

Facebook Forum

XS
SM
MD
LG