Inhlanganiso ebona ngezokudla emhlabeni jikelele eye Famine Early Warning Systems Network-FEWSNET ithi abantu phose isigidi bazafuna uncedo lokudla elizweni umnyaka ungakapheli njalo leli nani lilakho ukuqonga ngesilinganiso sokungamatshumi amane ekhulwini kusiya fika kusivuno somnyaka ozayo ngenyanga kaMbimbitho.
Lokhu kulandela imibiko eyethulwe nguhulumende weZambia ukuthi eleZimbabwe selithenge umumbu oyisilinganiso samaTonne angu 82 thousand kulelolizwe.
UBrenda moyo weStudio 7 ukhulume lengcwethi kwezokulima uMnumzanM Mandla Nkomo othi ukusilela kokudla kubangelwa yikusilela kwezinto zokulimisa lokungani kuhle kwezulu.
UNkomo uchasisa izizatho zokuthi eleZimbabwe lithenge umumbu kweleZambia.
