amalinks wokungena

Breaking News

Abanye Abantu Basekela Ukugwetshwa Kuka Zuma Kodwa Bakhona Njalo Abathi Kulesandla Semfene


UMnu. Jacob Zuma.

Kulezinye ingcwethi kwezombusazwe ezisekela ukugwetshwa kowayengumongameli wakwele South Africa, uMnu. Jacob Zuma, lezinye njalo ezithi kuzakuba lempi yomvukela engavalelwe ejele okwenyanga ezilitshumi lanhlanu.

Igqwetha elilwela amalungelo kazulu, uMnu. Matshobana Ncube, uthi inkantolo yeConstitutional Court ilandele umthetho ekugwebeni uZuma, okhangelelwe ukuzihambisa emapholiseni kunsuku ezine ezilandelayo. Kodwa uthi isigwebo lesi siyasinda.

Lokhu kusekelwa nguMnu. Mthulisi Hanana, okunhlanganiso yeDumiso Dabengwa Foundation.

Kulabanye abakusola kakhulu okwethulwe ngumthethwandaba weConstitutional Court. Omunye wabo nguMnu. Nkululeko Gwabalanda Mathe, olandela ezombusazwe ezimele.

UMathe uthi kulesandla semfene okwenziwe yinkantolo.

UZuma wala ukuyanika ubufakazi kukhomishini ekhokhelwa ngumsekeli kamahluli omkhulu welizwe, uJusticce Raymond Zondo, ehlolisisa amacala obukhohlakali awetheswayo.

Facebook Forum

XS
SM
MD
LG