Inhlanganiso ekhangelane lokuthuthuka kwempilo kazulu emhlabeni jikelele eye United Nations Development Program (UNDP) ithi iZimbabwe yindawo elabantu abadubeka okwamagama okwedlula wonke amazwe.
Inhlanganiso le yethule uluhlu lwamazwe womhlaba ngoLwesine olukhomba ukuthi ele Zimbabwe ledlulwa yi Mozambique, Democratic Republic of Congo, Burundi, kanye le Niger kwezempilakahle, ukwenelisa ukuthola imfundo kanye lobudlelwano babesilisa labesifazane.
Iphinde yathi uzulu uthwele nzima eZimbabwe okwedlula ngesikhathi sama 1970s kusabusa uMnu. Ian Douglas Smith. Phakathi kwamazwe edlula ikhulu lamatshumi ayisithupha, ele Zimbabwe yilo elibengelokucina emazweni wonke ahlolisiswe indlela abantu abaphila ngayo.
Ingcwethi kwezombusazwe uMnu. Roderick Fayayo utshele uGibbs Dube we Studio 7 ukuthi iUNDP ikhiphe ugwalo olulohlonzi ngoba abantu bathwele nzima kwele Zimbabwe.