amalinks wokungena

Breaking News

Abantwana Abangamakhulu Amathathu Akade Besebenza Sebebuyele Ezikolo eChiredzi


Inhlanganiso ebona ngabantwana abancane abaqhatshwa okungekho emthethweni iCoalition Against Child Labor in Zimbabwe ithi kulabantwana abedlula amakhulu amathathu lamatshumi amahlanu asebetshiye imsebenzi yezandla babuyela ezikolo eChiredzi.

Umqondisi wenhlanganiso le uMnu. Pascal Masocha uthi abantwana laba banikwa yinhlanganiso yakhe izigqoko zesikolo kanye lokunye abakufisayo ukwenzela ukuthi bathande imfundo.

UMasocha uthe bakhangelele ukuthi inkulungwane zabantwana zibuyele esikolo ngesikhathi esifitshane esilandelayo njengoba sebezaqalisa ukwenza uhlelo lwabo lolu elizweni lonke.

Uthe abantwana abanengi abasebenza okungelamvumo basemapulazini njalo ezindlini zalabo abalemali.

Uphinde wathi kumele ukuthi lezikolo zidale umumo ongakhanga abantwana ababalekayo abacina besiyadinga umsebenzi ukuthi baphindele esikolo.

Umnu. Davies Ndumiso Sibanda ingcwethi kwezomthetho wezisebenzi uthe banengi abantwana abahluphekayo abasebenzela ukuphilisa imuli zabo.

XS
SM
MD
LG