amalinks wokungena

Breaking News

Abantwana BakaMnangagwa Bebekhona Labangane Babo Kuhambo Lwe China Olubize i$2.5 million


Umntwana kaMnangagwa (ogqoke iscarf) labangane bakhe

Umongameli Emmerson Mnangagwa ubikwa ubehambe kwele China labantwana bakhe kunye labangane babo.

Lokhu kuphume emfanekisweni esenkundleni zokuxhumana, iFacebook le Twitter etshgengisa omunye umntwana kaMnangagwa elabangane bakhe abathathu.

Kodwa emaphephandabeni kahulumende kunye lomsakazo we ZBC wethula umbiko othi uMnangangwa wahamba lequla labaphathintambo bakahulumende abalitshumi labosomabhizimusi abangamatshumi ayithoba minwe mibili.

Akuzange kukhulunywe ukuthi kulabangangane lezihlobo zakhe. Kubikwa indizamtshina ayiqatshayo kwele Switzerland izabika imali eyizigidi zamadola ezimbili lengxenye yesigidi, i$2, 5 million.

UMnangagwa wathi egcotshwa watshela isizwe ukuthi uzakwehlisa indleko zikahulumende.

Kunjalo nje, uMnangagwa ubikwa ephumelele kuhambo lwakhe alugqibe izolo ngokusayinwa izivumelwano ezimbalwa eziyimali edlula amadola afika ibhiliyoni elilodwa.

Abanye sebesithi uMnangagwa kehlukananga loMnu. Robert Mugabe ekutshaphazeni imali yesizwe. Sixoxe lomgcinisihlalo webandla leMDC-T ngapha kweleMelika, uMnu. Den Moyo, osiphe imbono yakhe ezimele.

“Uyazi mfowethu kule definition eyaphiwa ngu Einstein ethi umuntu uyab elokhu ephinda umphehlo, esenza okufanayo kodwa efuna kube lempumela ehlukileyo. Kambe njengoba uMnu. Robert Mugabe laye waya kwele China kwathiwa usayine izivumelwano kambe kuyini umehluko kathesi?” kubuza uMoyo.

Facebook Forum

XS
SM
MD
LG