WASHINGTON —
Amadodana kanye lendodakazi kamuyi uMnu. Robert Mugabe, owayengumongameli welizwe sebemangalele induna uChief Zvimba emthethwandaba ngesinqumo asithathayo, esokuthi umuyi ayengcwatshwa kutsha emathuneni eHores Acre ngoba esithi akulandelwanga amasiko akuleyondawo.
UNkosikazi Bona Mutsahumi Mugabe, Bellarmine Chatunga Mugabe, kanye lo Tinotenda Robert Mugabe bathi induna yaphazamisa ngokuthi amathambo kamuyi agejwe ayengcwatshwa lapho engelamandla okwenza izinqumo khona.
Igqwetha elibamelayo uMnu. Fungai Chimwamurombe ugcizelele kuStudio 7 ukuthi ngempela udaba lolu solukhwezwe emthethwandaba njalo luzacutshungulwa eChinhoyi mhlaka 29 kuyonale inyanga