Izikolo zivuliwe ngoLwesibili okwehlandla lesibili eZimbabwe kodwa kusobala ukuthi abantwana abanengi baxotshelwe ukungabhadali imali yezifundo eyamaSchool fees kanye leyokuhlala kulabo abasezikolo ezigcina abantwana ezamaBoarding schools.
Abantwana bezikolo babikwa betshelwe yiziphathamandla zezikolo ukuthi bonke abangabhadalanga imali efunakalayo kabasoze bavunyelwe ukufunda loba nje abazali babo behlupheka ngenxa yokonokala komumo wezenotho elizweni.
Umqondisi we Zimbabwe Teachers Association uMnu. Sifiso Ndlovu uthi inhlanganiso zabazali bezibambisana lezikolo ekuxotsheni abantwana abangabhadalanga imali yemfundo.
Umnu. Ndlovu uthi ababalisi labo bazidonse ngamandla bahamba bemadolonzima ukuyafundisa besola iholo eliphansi abalokhe belithola.
Isakhamuzi sedolobho le Gwanda Unkosazana Sipho Ndlovu uthe izikolo kazikaqalisi ukuxotsha abantwana abangabhadalanga imali yezifundo.
