Udaba lokubhubha kobenguMongameli weleTanzania uMnu John Magufuli lusemilonyeni yabantu abanengi eZimbabwe lasemazweni atshiyeneyo abanye bemsola besithi ubengumbusi omubi kodwa abanye bembuka.
Lanxa uhulumende esithi uMagufuli uthethwe yisifo senhliziyo, abanengi elizweni lakhe bacabangela ukuthi ubulawe ligcwiwane leCovid-19.
Abamthandayo bathi ulethe intuthuko enengi njalo ubesaziwa kakhulu ngokulwisana lenkohlakalo.
Kodwa abamsolayo bathi uMagufuli ubenguntandokayiphikiswa ngoba uhulumende wakhe ubehlala ebopha abamabandla aphikisayo mahlayana nje.
Kulabanje njalo abane ababotshelwe ukukhuluma ukuthi uMagufuli uyagula kunsukwana ezedluleyo.
Ukuhlaziya loludaba sixoxe labacubungula ezombusazwe uMnu Difa Dube loMnu Mbuso Fuzwayo onguye osungula lingxoxo.