amalinks wokungena

Breaking News

Abaphathintambo Bakahulumende Abagunyulweyo Bafuna Ukuhlawulwa


Iziphathamandla ze Movement for Democratic Change (MDC) ekhokhelwa nguMnu. Morgan Tsvangirai ezikade ziphethe ingatsha zikahulumende ezitshiyeneyo zasezikhutshwa ezikhundleni zibikwa sezidinga ukuhlawulwa imali yesigumula kanye lezimota ezisetshenziswa ngabampathintambo.

Umnu. Fidelis Mhashu, uMnu. Elias Mudzuri, uMnu. Thamsanqa Mahlangu lo Nkosikazi Evelyn Masaiti babikwa sebehlangene lo Tsvangirai bemtshela ukuthi kumele akhulumisane lo Mongameli Robert Mugabe kanye lo Arthur Mutambara ukuze banikwe okubukekayo njengoba sebephelelwe ngumpako.

Kukhanya befuna izimotha, iholo lenyanga kanye le pentsheni.

Umnu. Davies Ndumiso Sibanda ingcwethi ecubungula ezokuqhatshwa lokuphelelwa ngumsebenzi utshele uGibbs Dube we Studio 7 ukuthi kumele abane laba bakhulumisane labaqhatshi babo ukwenzela ukuthi bathole okungenza ukuthi impilo yabo iphose ifanane laleyo ekade beyiphila bekuhulumende.

XS
SM
MD
LG