amalinks wokungena

Breaking News

Abaqhuba Uhlelo Lwe Indigenization Bahlangana Leziphathamandla Zabemigodi eMatabeleland


UMnu David Chapfika labanye bakhe abaku board ebona ngokwabelana kwamashares amankampani emazweni babikwa besethekelela imigodi etshiyeneyo kweleMandebeleni lapho abakhulumisana khona labanikazi bemigodi ngokuthi kumele benzeni ukwenzela ukuthi balandele okufuneka kuhlelo lweIndigenization.

Abakade besemhlanganweni eyenziwe ngolweSithathu nguMnu. Chapfika labanye bakhe eJessie, Collen Bawn, Blanket kanye le Vumbachikwe, bathi inengi labantu emhlanganweni le bekungabalandeli bebandla le ZANU PF, iziphathamandla zikahulumende kanye labakhangele umthetho elizweni abaku Central Intelligence Organization.

UChapfika labanye bakhe laba ngoLwesine kade bese Turk Mine behlangana labaqondisi bemigodi kanye labalandeli bebandla le ZANU PF.

Benza lokhu ngesikhathi kulembiko ethi imigodi engamatshumi amahlanu ilakho ukuvalwa ngenxa yokwala ukwabela uzulu amashares.

Umnu. Vumani Muthiyani, okade esemihlanganweni eyenzelwe emigodini eseduzane ledolobho le Gwanda uthi abaqondisi bemigodi baqonqoselwe ukuthi kumele balandele umthetho we indigenization nxa befuna ukuthi imigodi yabo ingavalwa.

Umnu. Buletsi Nyathi okunhlanganiso ye Matabeleland Natural Resources Forum uthi kabasoze bavume ukuthi imigodi ithathwe ngabalandeli bebandla le ZANU PF.

XS
SM
MD
LG