Abaqondisi bamankampani bathi umphathintambo wezemali uMnu. Tendai Biti wenze kahle ukudinga izigidi ezingamatshumi amane zamadola eMelika ezasetshenziswa ukuvuselala amafekithali avalayo lalawo ehluleka ukuthola izikwelede emabhanga.
Umqondisi we Zimbabwe National Chamber of Commerce uMnu. Trust Chikohora uthi amankampani akoBulawayo athwele nzima akhangelelwe ukuthi athole imali le ukwenzela ukuvuselele umsebenzi wokulungisa impahla etshiyeneyo.
UChikohora uthi uBiti wenze kahle njalo ukuthi abisele imithelo yeCustoms Duty empahleni ezithengwa kwamanye amazwe ezinjenge mpuphu kanye lamafutha okupheka njengoba amafekithali eZimbabwe esenelisa okwamanje ukukulungisa lokhu.
Uphinde wathi imali ebekwe eceleni nguBiti yokuvuselela amabhizimusi athuthukayo izasiza uzulu othwele nzima ngokuziphandela.
Ingcwethi kwezombusazwe uMnu. Roderick Fayayo njalo ongumqondisi we Bulawayo Progressive Residents Associtiation uthi uqinisile uBiti nxa esithi ezombusazwe zilakho ukubisela emuva umnotho welizwe.