Abaqondisi bamankampani kahulumende babikwa lokhe besala ukuveza kubaphathintambo bengatsha zikahulumende abaphansi kwazo ukuthi bahola malini ngenyanga.
Lokhu kulandela isinqumo esithethwe lidale le cabinet ngeviki ephelileyo esokuthi kumele abaqondisi laba bahambise imbiko ejulileyo kungatsha lezi ukuthi bahola malini njengoba abanye babo bethola imali eyedlula inkulungwane ezilitshumi zamadola eMelika ngenyanga.
Abaqondisi laba babikwa betshaya phansi ngenduku besithi ngeke baveze iholo labo uMongameli Robert Mugabe engabatshelanga ukuthi benze njalo.
Abaqondisi abagila imkhuba babikwa kuyilabo abasebenzela ibutho abathi bengeke batshelwe ngumphathintambo wamankampani kahulumende umnu. Gorden Moyo ukuthi benzeni njengoba engazange abelilunga lebutho le Zimbabwe.
Umnu. Moyo utshele uGibbs Dube we Studio 7 ukuthi abaqondisi laba kumele benze okufunwa lidale le cabinet njengoba behlulekile njalo lokuphuma lombiko ophathelane lokusetshenziswa kwemali kulamankampani ama audited financial reports okweminyaka eyisithupha.
