amalinks wokungena

Breaking News

Abaqondisi Bamankampani Kahulumende Lokhe Besala Ukuveza Iholo Eliphezulu


Abaqondisi abanengi bamankampani kahulumende, ama parastatals, babikwa belokhe bengafuni ukwethula kuhulumende ingwalo ezikhombisa ukuthi bahola malini.

Kulembiko ethi abanye bahola imali ezedlula inkulungwane ezilitshumi lanhlanu ngenyanga izisebenzi mathupha zona zihola ingcosana.

Abazi ngokwenzakalayo bathi amankampani angamatshumi amathathu kuphela asehambise lokho okufunwa nguhulumende kuthi angamatshumi amane acatsha ngomunwe.

Abanye abaqondisi laba bathi kabasoze bahambise okufunwa nguhulumende kuze kungenele uMongameli Robert Mugabe. Uhulumende ukhangele ukuthi ingwalo ezifunakalayo zizalethwa ekupheleni kwalinyanga.

Umphathintambo wezamafekithali kahulumende uMnu. Gorden Moyo utshele uGibbs Dube we Studio 7 ukuthi ukhangelele ukuthi abaqondisi bonke benze okufunwa nguhulumende isikhathi singafika.

‚Äč
XS
SM
MD
LG