Abaqondisi be Zimbabwe Mining Development Corporation (ZMDC) abasanda kumiswa umsebenzi besetheswa icala lokweba izigidi ezingamatshumi amane zamadola eMelika babikwa bathatha enye imali le bayifaka emkambo wemali kuma Money Markets.
Abaqondisi laba babikwa besebenzisa izigidi phose ezilitshumi zamadola eMelika emkambo wemali owaziwa ngokuba lesivuno esihle okwamagama.
Babikwa basebenzisa imali le ngesikhathi amanye amankampani eZMDC anjenge Sandawana Mine ayedilika ngenxa yokusilela kwemali yokuqhuba umsebenzi.
Abaqondisi laba abathi oMnu. Dominic Mubayiwa, Robert Karemba, Albert Chitambo lo Tichaona Muhonde bacatshangelwa ukuthi bathola inzuzo enengi okwamagama emkambo wemali.
Umnu. Bekithemba Mhlanga ingcwethi ecubungula ezenotho utshele iStudio 7 ukuthi abaqondisi laba benza amaqhinga amangalisayo okuthola inzuzo ngesikhatshana.
