amalinks wokungena

Breaking News

Abasekeli be Zanu PF Bakhethwa Ukubumba Amakomidi aweIndigenization


Umphathintambo wezabatsha lokuthuthukiswa kwezamabhizimusi uMnu. Saviour Kasukuwere usebumbe amakomidi atshiyeneyo wokuhlolisisa ukuthi abantu makhaza bangaphiwa amashares anganani kumankampani abemazweni alenotho edlula izigidi ezingamakhulu amahlanu amadollar eMelika.

U Kasukuwere ubikwa ekhethe abantu abanengi abadlelana lebandla le Zanu PF ukuthi bangene kumakomidi la.

Abantu laba bagoqela ababekubutho uRetired Major-General Gilbert Mashingaidze, Retired Air Commodore Mike Karakadzai kanye lo Retired Colonel Karikoga Kaseke ongumqondisi we Zimbabwe Tourism Authority.

Abanye abakumakomidi la nguMnu. Chris Mutsvangwa okukhomosheni ebona ngokubhaliswa kwamaphephandaba, uMnu. Supa Mandiwanzira umqondisi we Afirmative Action Group, usomabhizimusi uMnu. Delma Lupepe, uMnu. George Charamba isikhulumeli sika Mongameli Robert Mugabe, uMnu. Oliver Mutukudzi umhlabeleli olodumo kanye lo Douglas Mboweni umqondisi we Econet Wireless.

Umnu. Bekithemba Mhlanga ingcwethi ecubungula ezenotho utshele uGibbs Dube we Studio 7 ukuthi abantu laba abakhethwe nguMnu. Kasukuwere balakho ukubhidliza amanye amankampani emazweni asebenzela eZimbabwe.

XS
SM
MD
LG