WASHINGTON —
Abafundi besikolo seSabiwa Primary, eGwanda, basele bengela zindlu zokufundela ngeviki edluleyo ngemva kokuba uphahla lwamakilaso abo luthethwe ngumoya wezulu eline ngolaka.
Ummeli weMatabeleland South ephalamende uNkosikazi Nomathemba Ndlovu uthi abantwana sebethwele nzima, njalo uthi isikolo lesi siding uncedo.
“Ukufunda kwabantwana sokunzima kakhulu,” kutsho uNKosikazi Ndlovu.
“Kulamakilasi angu19, njalo ngingathi aseleyo angu4 kuphela. Amanye amakilasi amabili alamapulanka aqamukileyo, ngakho abantwana bafunda sibambe amaphaphu.”
