amalinks wokungena

Breaking News

Abathengisa Emigwaqweni Sebethengisa Ngokuswayipha Ngesikhathi Imali Isilela Emabhanga


Othengisa ezitaladeni

Ukusetshenziswa kwemitshina yamakhadi amabhanga, ama swipe machines, ngabaphila ngokuthengisa emigwaqweni kwamukelwa ngabanye kodwa abathengisayo laba bathi balengxaki abadibana lazo ngenxa yokusebenzisa imitshina le.

Umgcinisihlalo wenhlanganiso yabaphila ngokuthengisa ezitaladeni, eye Bulawayo Upcoming Traders’ Association, uMnu. Dumisani Ncube, uthi sebebanengi abathengisa ezitaladeni abasebenzisa imitshina le.

“Sikhulume leStewart Bank yapha amanye amalunga enhlanganiso yethu imitshina yama swipe machine kodwa kulobunzima,” kutsho uNcube.

Kodwa ingcwethi ecubungula ezomnotho, uMnu. Rejoice Ngwenya, uthi lanxa uzulu esamukela ukusetshenziswa kwemitshina le udubo lokusilela kwemali kumele lulungisiswe.

“Angithi thina sithi imali ayikho kodwa uChinamasa uthi imali igcwele ezitaladeni,” kutsho uNgwenya.

Ukhansila wedolobho le Harare, uMnu. Peter Moyo, uthi udubo olutholwa ngabasebenzisa imitshina le yikuthi imali abayenzayo icina ingasasebenzi kahle ngoba imali eyabe isekhadini ngama bond notes angasebenzi phandle kwelizwe.

“Udubo oselukhona yikuthi umuntu wonke uzaba esele khadi kodwa intengo ibe isikhuphuka,” kutsho uMoyo.

Ukusetshenziswa kwemitshina le kusuka kubenzima emaphandleni ngoba kungela magagasi okuyisebenzisa.

please wait

No media source currently available

0:00 0:03:27 0:00

Facebook Forum

XS
SM
MD
LG