amalinks wokungena

Breaking News

Abathengisa Imizimba Sebebhadalisa Ucansi Ngomakhal' Ekhukwini


Sekusetshenziswa ama cellphone ukuthenga ucansi.

Inhlanganiso elwela ilungelo labathengisa imizimba, eye Sexual Rights Centre, isisole inani labaphila ngokuthengisa umzimba kulandela ukucubungula okwenziwa lugatsha lwezemphilakahle oluthi abazinkuloungwane eziyisikhombisa, 7 000, koBulawayo.

Lolugatsha lwethule impumela yocwaningo olwenziwa ngemizamo yokulimukisa uzulu ngenani labathelelwa igcinkwane le HIV okubikwa kwehlile kancane koBulawayo.

Ucwaningo lolu luveze ukuba abantu ababulewe ngumkhuhlane we AIDS nyakenye bayedlula inkulungwane ezingamatshumi amabili lanhlanu, 25 000. Lolugatsha luthi ilizwe lonke lulabesizane abazinkulungwane ezingamakhulu amane, 44 586 abaphila ngokuthengisa imizimba.

Isikhulumeli senhlanganiso ye Sexual Rights Centre, uMnu. Mojalifa Mokoele uthi ucwaningo lolu aluzange lubafinyelele yikho bengazwisisi impumela yalo. UMokoele uthi njalo, abathengisa imizimba sebephadalisa ucansi ngama cellphone.

“Thina siyi Sexual Rights Centre inhlanganiso esebenza labaphila ngokuthengisa ucansi siwabonile amanani lawa abekhulunya kodwa besingelasiqiniseko sokuthi aqiniseke kangakanani ngoba siyinhlanganiso enkulu kakhulu ilizwe lonke esebenza labathengisa ucansi azange sizwe umuntu esithi ucubungula ngenani labantu laba,” kutsho uMokoele.

Ungezelele esithi kuqakathekile ukuthi nxa kwenziwa uphenyo olunje kumele labo baziswe bakhulunyiswe babancedise ukuze inani nxa liphuma labo bavumelane lalo.

UMojalifa uthi kuliqiniso ukuthi inani labathengisa umzimba liyakhwela ngoba imisebenzi ingatholakali lula elizweni.

Uthi nsuku zonke bayabona abangena kulumsebenzi bagoqela abangaphansi kweminyaka elitshumi lathoba minwe mibili kodwa wathi abakukhuthazi lokhu.

Uthi umumo wezomnotho awuhambi kahlo okokuthi abesifazane laba bathwelenzima ngokusilela kwemali emabhanga.

“Nxa sikhuluma labo bathi nxa ele Ecocash awale atransfer imali besesiqhubeka sisenza umsebenzi phambili,” kutsho uMokoele.

Uthi abanye benza lokhu okuthiwa ngama mobile money transfer lapho umuntu ofuna ukuthenga ucansi uyasa imali yakhe ngomakhalekhukwini kulowo afuna ukuthenga kuye ucansi.

please wait

No media source currently available

0:00 0:02:54 0:00

Facebook Forum

XS
SM
MD
LG