amalinks wokungena

Breaking News

Kabaseyikuxotshwa Abatsha Abaqhatshwa Okungekho Emthethweni Nguhulumende


Umongameli Robert Mugabe elezisebenzi zemigodi duze le Harare.

Uhulumende usemise uhlelo lokuxotsha umsebenzini abasakhulayo abaqhatshwa okungekho emthethweni abanye abangela maphepha esikolo njalo bengela misebenzi abayifundelayo.

Abasakhulayo laba abedlula inkulungwane ezintathu, 3,000, bacatshangelwa ukuthi bengaba bedalela uhulumende indleko edlula isigidi esisodwa samadola ngenyanga bethola imali le iliholo.

Abanengi bathi ukungaxotshwa umsebenzi kwabasakhulayo lokhu kutshengisa ukuba ibandla le Zanu PF lifuna ukubasebenzisa phambilini kokhetho.

Ingcwethi kwezomnotho, uMnu. Masimba Kuchera, uthi okumangalisayo yikuthi uhulumende akalamali kodwa ufuna ukugcina izisebenzi ezingelamsebenzi eziwenzayo kodwa zibhadalwa ngemali eyingcosana yemithelo kazulu.

Unobhala jikelele wenhlanganiso yezisebenzi, eye Zimbabwe Congress of Trade Unions, uMnu. Japhet Moyo, uthi uhulumende wenza uhlelo lokudingisisa ngezisebenzi njalo impumela uyayazi mgceke ukuthi bakhona abaphiwa imali bezihlalele.

UKuchera uthi esinye isizatho esenza bengaxotshwa emsebenzini yikuthi uhulumende wathembisa abasakhulayo imisebenzi eyizigidi ezimbili ngesikhathi ekhankasela ukhetho.

Osakhulayo okhokhela ibandla le Mthwakazi Liberation Front, uMnu. Mqondisi Moyo, uthi inengi labaqhatshwayo bengasebenzi ngabavela kwezinye izigaba ezingasizo zeMaNdebeleni.

Uhlelo lokunciphisa inani lezisebenzi zikahulumende lukhangelelwe ukwehlisa inani lezisebenzi ukuze iholo lehle ngezigidi ezizinkulungwane ezingamakhulu amane zamadola - $400 million.

please wait

No media source currently available

0:00 0:05:07 0:00

Facebook Forum

XS
SM
MD
LG