amalinks wokungena

Breaking News

Kembo Mohadi: Abangafuni Ukwamukela Ibond, Basop!


Zimbabwean Bond Notes

Intsha yebandla le Zanu PF ithi kumele abaphatheke kumkambo wensitha, oweblack Market, othengisa imali, babotshwe njalo bajeziswe ukwenqabela ukukhwela mahlayana kwentengo yempahla ezitolo.

UMsekeli kamongameli welizwe, uMnu. Kembo Mohadi uthi osomabhizimusi abazatholakala besala ukwamukela imali yohlobo lwe bond kuphela njalo bekhweza intengo mahlayana bazathathelwa amalayisensi.

Umohadi utshele intathelizindaba ngoLwesibili ntambama eHarare ukuthi isisindo semali yohlobo lwe bond imele ilingane leyedola leMelika.

Kunajlo nje, intsha yebandla le Zanu PF ithi kumele abaphatheke kumkambo wensitha, oweblack Market, othengisa imali, babotshwe njalo bajeziswe ukwenqabela ukukhwela mahlayana kwentengo yempahla ezitolo.

Kumbiko owethulwe ngoLwesibili, abe Zanu PF Youth League bathi bayavuma ukuba udubo olubangela ukusilela kwempahala ezitolo yikuswelakala kwemali yakwamanye amazwe evela kubhanga le Reserve.

Lokhu kwenzakala kulembiko ethi abanye bengabe bebutha impahla ezitolo besiyazithengisa emkambo wensitha ngemali ephezulu kulaleyo okumele kuthengiswe ngayo.

Kodwa ukhansila wedolobho le Harare, uMnu. Thamsanqa Hadebe uthi lanxa bekhona abafihla impahla, udubo olukhulu yikusilela kwemali yamazwe aphetsheya.

Isakhamuzi sako Bulawayo, uMnu. Edwin Ndlovu, obengumsekeli wesikhulumeli sebandla le People’s Democratic Party uthi okwenzakalayo kutshengisaa ukuthi uhulumende we ZANU PF usehlulekile ukulungisisa umnotho welizwe.

Isakhamuzi se Gwanda, uMnu. Thandeko Zinti Mkandla uthi okwenzakalayo kutshengisa ukuba kulesandla esibi ekukhweleni kwentengo yempahla.

Umongameli Emmerson Mnangagwa uthi amanyathelo athethwe ngusibalukhulu webhanga elikhulu eleReserve Bank, awkufaka imithelo kundlela imali esetshenziswa ngayo azasebenza. Ngalokho, uthi uzulu kumele aqinisele njengomuntu onatha isihaqa ngoba ezasila lanxa sibaba.

please wait
Embed

No media source currently available

0:00 0:04:12 0:00

Kusenjalo, ibandla leMDC elikhokhelwa nguMnu. Nelson Chamisa selikhweze edale lephalamende udaba lokuthi kufanele kusetshenziswe imali yama Rands eSouth Africa ngoba sokwehlule ukuvuselela umnotho welizwe ngeyama Bond Notes.

Udaba lolu lukhwezwe yisiphathamandla seMDC uMnu. Tapiwa Mashakada, esekelwa ngomunye wakhe uMnu. Tendai Biti. Ababili laba bagcizelele ukuthi kusobala ukuthi uhulumende uyehluleka ukuvuselela umnotho welizwe ngenhlelo zakhe.

Ukuze sizwe okunengi okwenzakale kulelidale, sixoxe loMnu. James Sithole, omela i-Makokoba edale lephalamende.

please wait

No media source currently available

0:00 0:02:11 0:00

Facebook Forum

XS
SM
MD
LG