amalinks wokungena

Breaking News

Abatshayeli Bandizamtshina eAir Zimbabwe Babuyela Emsebenzini Loba Kusakude Phambili


Abatshayeli bendizamtshina ze Air Zimbabwe labanye babo akade sebelenyanga bekhalala umsebenzi sebebuyele emsebenzini kulandela ukungenela kukahulumende odinge phose izigidi ezintathu zamadola eMelika yokubhadala izisebenzi lezi.

Abaqondisi be Air Zimbabwe babikwa behlulekile ukudinga imali yokubhadala izisebenzi kwaze kwangenela uhulumende laye othwele nzima ngokuswela imali.

Sokwenziwe isivumelwano phakathi kwezisebenzi lezi, iAir Zimbabwe kanye lohulumende ukuthi abatshayeli bendizamtshina, omanjinela kanye labancedisa uzulu endizamtshineni babhadalwe phose izigidi ezinhlanu zamadola eMelika kuphela.

Izisebenzi lezi zibikwa zivumile ukuthi kulahlwe izikwelede zazo ezenziwa kusukela ngomnyaka ka 2007 kusiyafika ku 2009.

Ingcwethi kwezendizamtshina uMnu. Mark Mansfield uthi loba uhulumende sengenele kuloludaba kusakude phambili ngoba iAir Zimbabwe ilenhlupho ezididanisa ingqondo.

Ingcwethi kwezombusazwe uMnu. Roderick Fayayo uthi kumele uhulumende ahlolisise ukuhlupheka kwezisebenzi zonke ze Zimbabwe hatshi eAir Zimbabwe kuphela.

XS
SM
MD
LG