amalinks wokungena

Breaking News

Abatshayeli Bendizamtshina Bayala Ukuthonisiswa Icala Lokubaleka Emsebenzini


Abatshayeli bendizamtshina ze Air Zimbabwe abakhalale umsebenzi bekhonona ngeholo eliphansi njalo lokungaphiwa ama allowances, bayalile lamuhla ukuthoniswa icala lokuthi babaleka emsebenzini.

Abazi ngokwenzakalayo bathi abatshayeli laba balile ukuthi kusetshenziswe umthetho we National Code of Conduct obethesa icala lokuthi kabalandelanga izivumelwano abazenza lomqhatshi bengakakhalali umsebenzi.

Inhlanganiso emela abasebenzela amankampani endizamtshina iNational Airways Workers Union ibikwa iqonqosele abatshayeli laba ukuthi bengahlangani le Board ye Air Zimbabwe.

Abatshayeli laba baxotshwe umsebenzi ngoLwesibili ngoba balile ukubuyela emsebenzini.

Abe Air Zimbabwe bathi sokumele abatshayeli laba babisele impahla yonke yenkampani le.

Ingcwethi kwezomthetho wezisebenzi uMnu. Mkhululi Masombuka utshele uGibbs Dube we Studio 7 ukuthi iAir Zimbabwe esikwenza manje yikho obe kuvele nga yakwenza ukulandela umthetho wokukhulumisana labatshayeli bendizamtshina.

‚Äč
XS
SM
MD
LG