amalinks wokungena

Breaking News

Abatshayeli Bendizamtshina ze Air Zimbabwe Baqhubekela Phambili Ngokukhalala Umsebenzi


Abatshayeli bendizamtshina be Air Zimbabwe abakhalale umsebenzi ngoLwesibili lokhe besala ukubuyela emsebenzini befuna iholo abalithenjiswayo leyinye imali yama allowance.

Abatshayeli laba, omanjinela kanye labancedisa uzulu kundizamtshina benze umhlangano labaqondisi be Air Zimbabwe ngolweSihlanu kodwa bala ukubuyela emsebenzini.

Abaqondisi benkampani le babikwa betshele izisebenzi ukuthi i-Air Zimbabwe ayila mali okwamanje, ngakho-ke kumele babuyele emsebenzini kusaxoxiswana ngalolu daba.

Umhlangano lo ubikwa uhle waphela masinyane izisebenzi zisithi inkampani le ayilandaba lezikhalazo zazo. Izisebenzi zikhangelele ukubhadalwa izigidi phose ezilitshumi zamadola eMelika.

Kusenzakala lokhu, indizamtshina eziya eSouth Africa, China kanye le London sezimisiwe ukuphapha. Okuyinto etshiye izihambi ezinengi zikhala ngokuhlahlekelwa yimali ezithenge ngayo amatikiti okuya kulezo ndawo.

Ingcwethi kwezenotho uMnu. Masimba Kuchera uthi kuzathatha isikhathi eside ukuthi izisebenzi lezi zibuyele emsebenzini.

XS
SM
MD
LG