Abatshayeli bendizamtshina ze Air Zimbabwe bathi inkampani yabo isidilizwe ngabaqondisi abangazi umsebenzi njalo igwcele izisebenzi ezingenzi lutho okumele zigunyulwe ukwenzela ukuthi kulungiswe inotho yenkampani le.
Abatshayeli laba batshele ikhomithi yedale lephalamende ebona ngokuhamba kwezimota lokusetshenziswa kwencingo zemoyeni ukuthi kumele kudingisiswe ukuthi iAir Zimbabwe ilezisebenzi ezingaki kube sokuxotshwa labo abahola imali bengenzi lutho.
Baphinde bathi basebenzisa indizamtshina ezindala njalo lemtshina yendulo elakho ukubulala kumbe ukulimaza izisebenzi lezihambi.
Ingcwethi kwezenotho uMnu. Bekithemba Mhlanga uthi uhulumende kumele alungise konke okukhulunywe ngabatshayeli bendizamtshina ukwenzela ukuguqula inotho ye Air Zimbabwe.
