EleBhilithani lithi kuqakathekile ukuthi abazazobona ngokuqhutshwa kokhetho lweReferendum lokhetho lukaMongameli kanye lamalunga edale lephalamende babekhona elizweni ngaphambilini.
Inkuthazo le yethulwe ngamalunga edale lephalamende ele House of Commons ekhuluma ngodaba lweZimbabwe ngoLwesibili.
Ephendula imbuzo yamalunga alelidale, obona ngobudlelwano beBhilithani lamanye amazwe uMnu Henry Bellingham uthe ilizwe lakhe liphakathi kokukhulumisana lomanyano weSadc, i European Union leUnited Nations ngemizamo emele yenziwe ukubana kungaze kwaba lodlakela olubekhona kukhetho luka 2008.
Lanxa ikomishini ebona ngezokhetho eye Zimbabwe Electoral Commission isithi ayilayo imali yokuqhuba ukhetho ngomnyaka ozayo, uMongameli Robert Mugabe loMnu Morgan Tsvangirai bathi ukhetho lolu kumele lwenziwe.
Ukuze sihlaziye inkuthazo yeBhilithani ngodaba lokhetho uNtungamili Nkomo weStuio 7 uxhume ingcwethi ecubungula ezombusazwe uMnu Brilliant Mhlanga yena othi lokhu akusoze kwenqabele udlakele.
