amalinks wokungena

Breaking News

Abazali Behluleka Ukubhadalela Abantwana Imali Yemfundo


Abazali bathi bathwele nzima ngokudinga imali yokubhadalela imfundo yabantwana ezikolo ezitshiyeneyo elizweni ngenxa yokukhuphuka kwembadalo ye tuition fees kanye lentengo yama uniforms.

Abazali abako Bulawayo, eChitungwiza, eNkabazwe kanye le Matabeleland South batshele iStudio 7 ukuthi abanye babo sebekhipha abantwana ezikolo zama boarding ngenxa yokukhuphuka kwembadalo.

Bathe izikolo zikahulumende ezinengi zama boarding zikhuphule imali ye tuition fees ngoMpalakazi ngamatshumi amabili lanhlanu amadola emelika yafika ku $395.

Izikolo ezifanayo ezizimele zodwa zikhuphule imbadalo yedlula amakhulu amahlanu amadola emelika isuka ku$560.

Abazali bathi abantwana abakhitshwa ezikolo lezi bakhangelelwe ukuthi bafunde kwezinye behlala ngekhaya.

Baphinde bathi intengo yama uniforms iqonge isuka kutshumi lanhlanu lamadola yafika kumatshumi amane amadola.

Lokhu kwenzakala ngesikhathi ababalisi benhlanganiso ye Progressive Teachers Union of Zimbabwe besithi bazakhalala umsebenzi kusasa ngenxa yeholo eliphansi.

Kodwa-ke inhlanganiso yababalisi eye Zimbabwe Teachers Aassociation ithi amalunga ayo kumele ahambe ezikolo kusasa.


Unkosikazi Samukeliso Sibanda oyisakhamuzi sako Bulawayo uthe abazali bathwele nzima ngokuphanda imali yemfundo yabantwana.

Umnu. Olives Ncube isakhamuzi se Mberengwa eNkabazwe uthi wehluleka labanengi ukubhadalela umntwana oyedwa okumele ayeqalisa izifundo zika Form One lonyaka.

XS
SM
MD
LG