amalinks wokungena

AbeFree to Smile Foundation Benza Uhlelo Lokuhlinza Abalendebe Ezingabunjwanga Kahle


Bayasebenza okumangalisayo abahlinza abantu abalendebe ezingabunjwanga ngemfanelo.

Umqondisi wenhlelo zeFree to Smile Foundation okuyinhlanganiso yabezempilakahle abadabuka eMelika, uDr. Grayham Chadd, uthe eZimbabwe banengi abantwana abazalwa belendebe kumbe izilakalaka ezidabukileyo ethi bayaphenduka njalo ngomyaka ozayo.

Umntwana omelele ukuhlinzwa eMpilo Hospital.
Umntwana omelele ukuhlinzwa eMpilo Hospital.

UMqondisi weFSM, uDokotela Grayham Chadd, uthi kulequla labodokotela labongi abavela eMelika lakwamanye amazwe azelabo ukuzoqhuba lumsebenzi abawuqale eZimbabwe ngo2016 eHarare njalo ngokwesibili besiza koBulawayo ngoba benanzelele ukuba abantu bahamba umango omude bezonhlinzwa eHarare.

UMnu. Oswald Ndlovu isikhulumeli sesibhedlela seMpilo uthi izolo baqale ukuhlola abantu abazahlizwa kusukela lamuhla kusiya ngoLwesihlanu. Ethi abantu balakho ukuza esibhedlela seMpilo kusiyafika ngoLwesihlanu ukuzohlolwa kungela mbadalo kanye lokubhalisa ukuzohlinzwa kuthuba elizayo uma inani labo selenele elabantu abangamatshumi amathathu.

Omunye wabantwana abahlinzwa eMpilo Hospital.
Omunye wabantwana abahlinzwa eMpilo Hospital.

UNkosikazi Siphephile Dlodlo osuka eLupane uthe umntanakhe uKing Phiri wazalwa elendebe lesilakalaka esidabukile ethi uma ekhuluma kazwakali kuhle. Lumntwana oleminyaka elitshumi uyafunda kodwa ufunda nzima ngoba uyezwa ukuthi umbalisi uthini kodwa umbalisi kamuzwa.

UNkosizikazi Sozi Nyathi uthe umzukulu wakhe uPeergirl Ndlovu udabuke isilakalaka lendebe yaphezulu wazalwa enjalo ukhangelele ukunhlinzwa NgoLwesithathu.

UDokotela Chadd uchaze ukuba phakathi kwabantwana abangamakhulu ayisificamunwe mibili lamatshumi amahlanu abazalwa eZimbabwe ngelanga oyedwa uzalwa elendebe kumbe isilakalaka esidabukileyo. Uqhubeke ethi ngesikhathi behlinza abantu bayafundisa njalo odokotela labongi beZimbabwe ukuba indebe edabukileyo ithungwa njani.

Abalesilakalaka esidabukileyo balakho ukudla nzima ukudla kuphuma ngamakhala okucina kubangela eminye imikhuhlane lokuhisthwa yikudla.

Facebook Forum

XS
SM
MD
LG