amalinks wokungena

Breaking News

Abe MDC Abakhethwe Ukumela iZimbabwe Kwamanye Amazwe Baqalisa Umsebenzi


Kudaba olulakho ukujabulisa amacele womabili eMDC, uMongameli Mugabe seze wavuma ukuthi amalunga amacele la amahlanu akhethwe ukuba ngabameli beZimbabwe kwamanye amazwe aqalise umsebenzi.

I MDC ibehlezi ikhonona ngokuthi uMugabe ukhanya engafuni ukuthi amalunga alo athathe izikhundla zawo emazweni la. UMugabe uhlangane labahlanu laba ngoLwesithathu eHarare wabazisa ukuthi kumele baqalise umsebenzi ngeviki ezayo.

Abane babameli beZimbabwe kwamanye amazwe laba ngabecele leMDC elikhokhelwa nguMnu Morgan Tsvangirai njalo bazakuya emazweni athi i Germany, Australia, Nigeria leSudan.

Oyedwa nguNkosikazi Trudy Stevenson owecele leMDC elikhokhelwa nguMnu Arthur Mutambara yena ozakuyamela iZimbabwe kwele Senegal. Ustevenson utshele uNtungamili Nkomo weStudio 7 ukuthi uzasuka elizweni ngoLwesithathu ngeviki ezayo sesiyaqalisa umsebenzi wakhe.

‚Äč
XS
SM
MD
LG