amalinks wokungena

Breaking News

Renewal Fellowship Church in Zimbabwe: Sifisa Ukuhlangana loMongameli Mnangagwa


Inkokheli zebandla lokholo lwesiKristu eye Renewal Fellowship Church in Zimbabwe bathi bafisa ukutholiswa ithuba lokuhlala phansi loMongameli Emmerson Mnangagwa bambonise ngokungenziwa elizweni okungasiza ukuba abantu baxole, bamanyane kanye lokupholiswa kwamanxeba uqobo besithi ngoba ukufuthelana kubuyisela muva impumelelo yelizwe.

Linkokheli ithi ngaphandle kokuba ilizwe lilungisise umonakalo kwezokuhlukunyezwa kwabantu owenziwa kusukela ilizwe lingakatholi uzibuse kwadala ukufuthelana, kalisoze lafa lathuthuka.

Umnumzana King Darlington Masenda omunye wenkokheli ye Renewal Fellowship Church, emzini weMarlborough, eHarare, uthi kuqakathekile ukuba alalele abakutshoyo uMnangagwa.

Le yiyona ndlela esibona ingani ezolungisisa isimo lendlela elandelwa ngeleZimbabwe. Sichasise lokuba kungani sisithi thina sibona ukungaxolelani kungumgoqo obuyisela muva kwempumelelo yelizwe. Sinye siyakholwa ukuba umongameli wethu ulikholwa lesiKhrestu, siyakholwa ukuba engathanda ukuzwa esingakho abesesithi kuyini esingakwenza ngemva kwalokho.

U Masenda uchaze lokhu ukungaxolelani njengesikwelede somoya.

“Siyakholwa ukuba isizatho ilizwe lethu limi ndawonye lingathuthuki kungoba kule sikwelede somoya esasibangelayo okuyisikwelede sokungaxolelani okugcwele elizweni lethu. Sikhuluma kanje ilizwe lethi likusibanga lapho lingayi ndawo kodwa kuqakathekile ukuba uzulu wonke eZimbabwe ukuba baxolelane kulokho okwenzakala ezikhathini zangeminyakeni yangemuva besesidinga indlela ezokwenza uNkulunkulu angene empilweni zethu asisindise abesesisa kusibanga lapho sifisa ukuba kiso.”

Okusekelwe njalo ngu Dr David Broom,enye yenkokheli kulelibandla le Renewal Fellowship in Zimbabwe ochaza ukuba kungezniwa kanjani lokho kuhlawulela lesi sikwelede somoya ilizwe elilaso.

“Umbhalo ucacile kulokho,ukuba lapho sithe sona,sidala umonakalo ngaleso sono,yiso ke isikwelede esidalekayo kwezomoya. Akulani lokuthi sicabanga ukuthi lokho esakwenzayo kulungile kumbe sizitshela ukuthi kwakumele sikwenze lokho esakwenzayo,sidala isikwelede kwezomoya. Yiso isikwelede esikhuluma ngaso ukuba izizalwane lezizalwane bezilokhe zidlulisela phambili lesi sikwelede somoya. Senze imizamo yokubona ukuba ukhona ohlawulela leso sikwelede kodwa inking yikubana nxa sesisenza omunye umuntu ahlawule,asisihlawuleli leso sikwelede kodwa sibangela ezinye njalo.”

Unkosikazi Caroline Masenda ongenye yenkokheli ye Renewal Fellowship Church uthi uyazizwisisa kakhulu inhlungu ezilethwa yikufuthelana phakathi kwemihlobo eyehlukeneyo ikakhulu kwabesiNdebeleni labesiShoneni.

Uzalwa ngumama wesiNdebeleni unkosikazi Masenda kuthi uyise engowesiShoneni wayakwendela kwabesiShoneni njalo.

“Ama problems ama Ndebele lamaShona,ngikhule phakathi kwawo. So ngiyazwisisa I pain yankhona.Thina sibone ukuthi I message eye reconciliation and peace,yiyo ekhona kuphela ezanceda abantu.”

Uthi indlela yokuxolelana yiyo kuphela engakhulula uzulu weZimbabwe kulokho okwenzakala ngezikhathi ezehlukeneyo embalini ye Zimbabwe.

“I pain yabo its like kwenzakale yesterday,its so real. So siyazwisisa ukuthi sikhulume,all of us sibuye sikhulume.Olobuhlungu laye akhulume abayenza abakwenzayo labo bakhulume,sibuye together sikhulume indaba zonalezo.”

Abe bandla leli bathi uhulumende ulomlandu wokwenza isimo sibe ngesivumela ukuba abantu baxolelane.

Bathi kodwa kumele kube yinto esukele phansi kibo abantu kusabalale kuye emabandleni ezokholo kusuke lapho kuye eziqintini lasezabelweni kuze kuyefika lakuhulumende.

please wait

No media source currently available

0:00 0:03:15 0:00

Facebook Forum

XS
SM
MD
LG