amalinks wokungena

Breaking News

Abe Zifa Bagijimisa Ukuqala Kwemidlalo yePSL


Zifa

Abenhlanganiso elawula umdlalo wenguqu elizweni eye Zimbabwe Football Association bathi ukuqalwa kwemidlalo yesigabeni saphezulu esePremier Soccer League elokhu yamiswayo ngokuqhamuka kweCovid 19, elizweni lasemhlabeni jikelele, kuzaphathisa kakhulu kumalungiselelo eqembu elimela isizwe kulumdlalo elama Warriors awokuya phatheka kumncintiswano we African Nations Championship-Chan.

Uhulumende ensukwini ezedluleyo uphe inhlanganiso ye Zifa imvumo eyokuba umdlalo wenguqu usungadlalwa kwele Zimbabwe njalo kuzaqala izigaba ezibalisa ese Premier Soccer League, ese Zimbabwe Women Soccer League kanye lamaqembu amela ilizwe.

Kulenhlelo ezokuba amaqembu adlala kusigaba se PSL adibane ekuqaleni kwenyanga ka Mpalakazi njalo isikhulumeli senhlanganiso ye Zifa uXolisani Gwesela uthi bona njenge Zifa bazaphathisa ukuba lumncintiswano udlalwe.

“Siyabonga uhulumende ngokusinika imvumo eyokuthi siqalise ukudlala umdlalo webhola. Okwakhathesi sisaxoxisana labanye ukuthi singenza njani ukuthi sibuyele kuhle emdlalweni webhola.

Kulemali ezinengi ezingabe zifunakala kodwa iZifa izakhipha imali ezokuthi kuhlolwe abonompembe kanye labadlali ukuze sibone ukuthi sibuyele kuhle emdlalweni wenguqu njalo sivikelekile,” kutsho uGwesela.

UGwesela uqhubekele phambili wathi ukudlalwa kwemidlalo kusigaba saphezulu kuzaphathisa kakhulu abaqeqetshi beqembu lesizwe elama Warriors.

“Lokhu ukubuyela kwethu ukuthi sidlale umdlalo wenguqu kuzanceda kakhulu iqembu lethu elama Warriors elibunjwa ngabadlali abadlala belapha ekhaya ukuthi alungiselele umdlalo we 2021 Chan tournament,” kutsho uGwesela.

Umncintiswano we African Nations Championship ozadlalwa ekuqaleni komnyaka ozayo uzaqhutshelwa elizweni lase Cameroon.

Limidlalo ngeyabadlali abadlala besekhaya kuphela okutsho ukuba kuqakathekile ukuba umncintiswano wamaqembu adlala kusigaba se PSL uphumelele ukuze umqeqetshi weqembu le Zimbabwe uZdravko Logarusic athole ithuba lokukhetha abadlali abafunayo.

Umncintiswano we Chan bekumele udlalwe lonyaka kodwa udluliselwe phambili ngemva kokuqhamuka komkhuhlane we Covid – 19 odale ukuba kumiswe ezemidlalo emhlabeni jikelele.

Kwele Zimbabwe inhlelo zomdlalo wenguqu zimiswe ngenyanga kaMbimbitho njalo amaqembu esigaba se PSL akhangelelwe ukuqala kuyonale iviki ukuzilolonga.

Kuvamile ukuba amaqembu achithe amaviki ayisithupha elungiselela ukudlala okutsho ukuba abadlali bazabe sebelungele ukudlala ngenyanga kaMpalakazi lapho okukhangelelwe ukuba bazavalelwa endaweni evikeleke kugciwane le corona lapho abazahlala khona ngesikhathi bephatheka kulumncintiswano oqoqwayo.

Facebook Forum

XS
SM
MD
LG