amalinks wokungena

Breaking News

AbeDubia Masters Bethula Idlalade Elitsha Eliphansi Kwesihloko Esithi "Mfuniseni"


Abaculi beqembu leDubia Masters

Esigabeni somculo siledlalade elitsha leqembu leDubia Masters abalithe igama lokuthi "Mfuniseni". UBenedict Nhlapho uxoxa lamalunga aleli qembu uKholwani Dube lo Alfred Sibanda.

UKholwane Tumelo Dube, ngumculi osewacula lawo phose wonke amaqembu ezeRhumba adabuka eZimbabwe. Linsizwa ezelwe eGwambe e Pumtree seyacula lamaqembu abalisa iNdolwane lo Madala Boy leShining Fellows.

Ngo2010 yikho lapho aqale khona ukuhwatsha idlalade lakhe lakuqala leDubia Masters elithi sithuli siyezwa. Khathesike ngo 2015 usehwatshe elinye elithi Mfuniseni okuyilo elilale ethi Mfana Omncane.

Lelidlalade lilengoma eziyisithupha ezibalisa uMfuniseni, Samson Stapura, Dzenetsene, Ndiceluxolo lale ethi Sithuli siyezwa. UKholwaneke uthi ezabo ingoma zigxile kakhulu ekufundiseni umphakathi ngempilo.

UKholwane uthi ukusebenza labaqembu amanengi kwamupha ikhono lokucula kanye lokubamba igithali ulenze likhulume lokhu okufunayo, njengakule ethi Samson Stapura.

U Alfred Sibanda laye ocula loKholwane uthi eyabo iRhumba bayenze yehluka kulezinye kancane ngokuyixhubanisa lomdumo weKwasakwasa, kanti lokhu sekubatholele udumo olukhulu kubalandeli babo.

Abaculi beDubia Masters bathi bazibona belekusasa elihle kanti njalo bazimisele ukwaziwa umhlaba wonke.

Bathike luxaso lwakho kuphela olungabenza bafeze amaphupho abo okuletha umculo ohlabusayo.

Udaba lwabeqembu lomculo ele Dubia Masters abethule idlalade elitsha
please wait

No media source currently available

0:00 0:05:58 0:00
Lapho esitholakala khona

XS
SM
MD
LG