Inhlanganiso ephathisa ngolwazi kwezamabhizimusi eye Empretec Zimbabwe ibika ukuba ngoLwesihlanu mhlaka 16 Mpandula 2016, izasungula uhlelo lomcintiswano wokudinga abalenhlelo zokuthuthukisa amabhizimusi oluqondane labontanga abaleminyaka ephakathi kwelitshumi lasitshiyagalolunye kusiya kumatshumi amathathu lanhlanu-18-35 amaBusiness Plans aphathelane lesilimo somumbu.
UNkosikazi Busi Bango, umqondisi weEmpretec Zimbabwe, ubike ukuba loluhlelo lusungulwa edolobheni leRusape kodwa labo abangasoze bafinyelele ukuyafika khona balakho ukwethekelela emawofisini awe Empretec Zimbabwe eHarare lakoBulawayo ukuyakuzwa okunengi ngalumcintiswano.
Umvuzo omkhulu kulowo oyabe enqobile uzaba zinkulungwane ezinhlanu zamadollar -$5,000.
“Sikhuthaza ikakhulu abasakhulayo abesifazana loba amantombazana abakubhizimusi ukuthi bangesabeli khatshana bafake labo awabo amaBusiness Plans aphathelane lokulinywa lokusetshenziswa komumbu. Kulezigaba ezehlukeneyo ongakhetha ukusebenzela kizo ezifana lokulima umumbu wangakhona, ukuwuthwala uwusa eziphaleni, ukuwuchola ube yimpuphu, ukulungisa amasaka okuwufakela loba lapho usuyimpuphu lokunye okunengi nengi,” kutsho uNkosikazi Bango.
