amalinks wokungena

Breaking News

Hwange Colliary Company: Elakusasa Likhangeleka Lilihle


Hwange Colliery

Abenkampani eyemba amalahle yeHwange Colliary Company bathi elakusasa likhangeleka lilihle ngemva kokubekwa kwemitshina emitsha,yakulezi nsuku ekhangelelwe ukuphathisa ukukhweza isilinganiso samalahle embiwayo ebesesehlile kakhulu eminyakeni edluleyo.

Lokhu kuvezwe ngumqondisi wenkampani le, umnumzana Stenjwa Thomas Makore, ngesikhathi exosisana lentathelizindaba ngemva komhlangano omkhulu wale inkampani wokuphela komnyaka odluleyo, wokwethula isimo salinkampani owe 2014 Annual General Meeting.

Ukubakhona kwalemitshina yakulezinsuku, uthi sekubabeke esibangeni esiphezulu sokwembiwa kwalamalahle, okuzabenza banelise ukwemba amanengi abangawathengisela labakwamanye amazwe okubalisa eleZambia, Democratic Republic of Congo kanye lase South Africa.

Isiphathamandla esibona ngenhlelo zeHwange Colliery umnumzana Thembelani Ncube uchasise phezu kokuba kutshoni ukufakwa kwemitshina emitsha le. Waqhubeka ephatha njalo phezu kwenhloso yomhlangano wangoLwesibili owe AGM lo.

IReport yomnyaka ka 2014, eyethulwe emhlanganweni walamuhla, itshengisa ukuba abenkampani le banelisile ukufinyelela kulokho abebevele bekukhangelele ukuba kuzakuthi kusiyaphela umnyaka, bembe amalahle ayisilinganiso sama tonne inkulungwane phose amakhulu amane-375 000t.

Iveze njalo ukuba bewunzima lakulenkampani lumnyaka ka 2014, ngoba kusesekhona lapho abasilela khona okubalisa ukuhlawula iholo zezisebenzi okomnyaka wonke.

XS
SM
MD
LG