amalinks wokungena

Breaking News

Izakhamizi ZeMatopo Zithi Zihamba Umango Omude Ukuyabhalisela Ukuvota


Mobile registration

Inhlanganiso yeZEC ithi izahlangana ngoLwesihlanu ihlolisise udaba lokwengezelela amalanga ohlelo lwe Mobile Voter Registration.

Umgcinisihlalo wohlangothi olubona ngezokhetho olwe Zimbabwe Electoral Commission-ZEC, uJustice Rita Makarau ubikwa esithi inhlanganiso yakhe izahlangana ngoLwesihlanu ihlolisise udaba lokwengezelela amalanga ohlelo lokubhalisela ukuvota olwe Mobile Voter Registration olukhangelelwe ukugqitshwa ngeNsonto ezayo.

UJustice Makaru ubikwa ehlolisise loluhlelo eHarare wavuma ukuthi kulengxaki ezinengi ezibhahileyo, ezigoqela indwendwe ezinde ezivimba abantu ukubhalisa ngobunengi babo.

Lokhu kwenzakala i-ZEC ilokhu iqhubeka ngemihlangano lenhlanganiso ezitshiyeneyo kanye lamabandla ezinkonzo ukuzwa imicabango yazo ngaloluhlelo.

UNkosikazi Sithembile Mlotshwa, uSenator we Matopo eMatabeleland South utshele uSithandekile Mhlanga weStudio 7 ukuthi ukwengezelelwa kwamalanga kuloluhlelo kungemukelwa linengi labantu elehluleka ukubhalisa.

please wait

No media source currently available

0:00 0:02:21 0:00
Lapho esitholakala khona
XS
SM
MD
LG