amalinks wokungena

Breaking News

MDC-T: Amalunga Ebandla Lethu Awayanga KuZANU PF


MDC-T

Umsekeli wesikhulumeli seMDC-T uNkosazana Thabitha Khumalo uthi, okukhulunywa ngabo babevele sebetshiye ibandla lakhe baya kwele Renewal Team.

Ibandla leZANU PF lilokhu liqinisa imikhankaso yalo yokhetho lwama by-elections oluzayo ngesikhathi kubikwa kuleziphathamandla zebandla leMDC-T ezitshiye lelibandla zaya kwele ZANU PF emhlanganweni we rally esigabeni se Dangamvura-Chikanga ngempelaviki.

Ekhuluma kulumhlangano, osaphethe isikhundla sikamongameli uMnu. Phelekezela Mphoko ukhuthaze ibandla lakhe ukuthi lisebenze nzima ukuthi okhethwe ukuncintisa kukhetho lokudinga ozamela lesisigaba edale lephalamende uMnu. Isau Mupfumi anqobe.

Umsakazo weZBC uthi abatshiye i-MDC-T bagoqela ukhansila weNyanga South uViola Tongoona, owayeyisiphathamandla sogatsha lwabesifazana uThokozani Bote, kanye loIrene Chigayo, obebona ngokwethulwa kwembiko eDangamvura.

Kodwa umsekeli wesikhulumeli seMDC-T uNkosazana Thabitha Khumalo uthi, okukhulunywa ngabo babevele sebetshiye ibandla lakhe baya kwele Renewal Team.

please wait

No media source currently available

0:00 0:02:18 0:00
Lapho esitholakala khona

Isikhulumi sebandla leRenewal Team, uMnu. Jacob Mafume laye uphikisilee ukuthi abatshiye i-MDC-T besiya kuZANU PF ngabebandla lakhe, wengezelela wathi kodwa lokhu akumangalisi kangako ngoba i-MDC-T ivele isilahlekelwa lusekelo.

XS
SM
MD
LG